ຕ້ອນຮັບສະຫະພັນແມ່ຍິງ ກຕສ ລົງເຄື່ອນໄຫວຊຸກຍູ້ວຽກງານກວດກາ ໜ່ວຍສະຫະພັນແມ່ຍິງ ອດທ

08/07/2022

ຕ້ອນຮັບສະຫະພັນແມ່ຍິງ ກຕສ ລົງເຄື່ອນໄຫວຊຸກຍູ້ວຽກງານກວດກາ ໜ່ວຍສະຫະພັນແມ່ຍິງ ອດທ

         ໃນວັນທີ 06 ກໍລະກົດ 2022 ທີ່ຜ່ານມາ, ຄະນະກວດກາສະຫະພັນແມ່ຍິງ ກະຊວງເຕັກໂນໂລຊີ ແລະ ການສື່ສານ (ກຕສ)ໄດ້ລົງເຄື່ອນໄຫວວຽກງານກວດກາຮອບດ້ານ ແລະ ວຽກງານກວດກາ 03 ດີ ປະຈໍາ 06 ເດືອນ 2022 ຂອງໜ່ວຍສະຫະພັນແມ່ຍິງ ອົງການດັດສົມໂທລະຄົມມະນາຄົມ ກະຊວງເຕັກໂນໂລຊີ ແລະ ການສື່ສານ. ຊຶ່ງນໍາພາໂດຍສະຫາຍ ນາງ ເກສອນ ສຸລິວົງ, ຄະນະບໍລິຫານງານສູນກາງສະຫະພັນແມ່ຍິງລາວ, ປະທານສະຫະພັນແມ່ຍິງ ກຕສ ພ້ອມດ້ວຍຄະນະ. ໃນໂອກາດດັ່ງກ່າວຄະນະສະຫະພັນແມ່ຍິງໄດ້ເຂົ້າພົບປະສະຫາຍ ສຸດໃຈ ລໍລອນສີ, ເລຂາໜ່ວຍພັກ ອົງການດັດສົມໂທລະຄົມມະນາຄົມ ເພື່ອແຈ້ງຈຸດປະສົງ ແລະ ປຶກສາຫາລືການນໍາພາ-ຊີ້ນໍາ ໃນການຈັດຕັ້ງປະຕິບັດວຽກງານອົງການຈັດຕັ້ງສະຫະພັນແມ່ຍິງຂອງ ອົງການດັດສົມໂທລະຄົມມະນາຄົມ. 

         ພາຍຫຼັງສໍາເລັດການພົບປະ ຄະນະກໍໄດ້ສືບຕໍ່ລົງເຮັດວຽກຮ່ວມກັບຄະນະໜ່ວຍສະຫະພັນແມ່ຍິງ ອົງການດັດສົມໂທລະຄົມມະນາຄົມ ຊຶ່ງໃນກອງປະຊຸມດັ່ງກ່າວ ຄະນະໄດ້ຮັບຟັງການລາຍງານສະພາບທີ່ພົ້ນເດັ່ນກ່ຽວການຈັດຕັ້ງປະຕິບັດວຽກງານກວດໄລຍະຜ່ານມາ, ພ້ອມທັງສະຫຼຸບຕີລາຄາ ດ້ານດີ, ດ້ານອ່ອນ-ຂໍ້ຄົງຄ້າງ ແລະ ວາງທິດທາງແຜນການໃນຕໍ່ໜ້າຂອງໜ່ວຍສະຫະພັນແມ່ຍິງ ອົງການດັດສົມໂທລະຄົມມະນາຄົມ. ກອງປະຊຸມຍັງໄດ້ມີການປະກອບຄໍາຄິດຄໍາເຫັນຂອງຜູ້ເຂົ້າຮ່ວມຢ່າງກົງໄປກົງມາ ໂດຍສະເພາະແມ່ນວຽກງານປັບປຸງການຈັດຕັ້ງ, ແບບແຜນວິທີການເຮັດວຽກ, ແບບແຜນວິທີການນໍາພາ ຂອງຄະນະນໍາ ສະຫະພັນແມ່ຍິງແຕ່ລະຂັ້ນໃຫ້ມີຄວາມໜັກແໜ້ນທາງດ້ານການເມືອງ-ແນວຄິດ, ເຂັ້ມແຂງທາງດ້ານການຈັດຕັ້ງ ພ້ອມທັງແລກປ່ຽນບົດຮຽນການນໍາພາ-ຊີ້ນໍາ ຢ່າງມີລັກສະນະສ້າງສັນ.

ພາບ ແລະ ຂ່າວ: ອົງການດັດສົມໂທລະຄົມມະນາຄົມ.

 

ດາວໂຫຼດແອັບຂື້ນທະບຽນເລກໝາຍໂທລະສັບ
ຄູ່ມືການຂື້ນທະບຽນເລກໝາຍໂທລະສັບ
ວາລະສານ ໄອຊີທີ
ໜັງສືພິມ
ໜັງສືເຊີນເຂົ້າຮ່ວມການປະມູນ
ໜັງສືເຊີນເຂົ້າຮ່ວມການປະມູນ